“Mashtrues ordiner”, Meta sulmon Bashën: Planifikoi me mafian djegien e mandateve

Ish-presidenti i Republikës, Ilir Meta nga konventa e LSI-së ka sulmuar ashpër ish-kreun e PD-së, Lulzim Basha.

Sipas Metës, Basha së bashku me mafian që drejton Shqipërinë planifikoi djegien e vendeve duke lënë vendin pa opozitë.

“Ilir Meta ka qenë kategorikisht kundër bastit të çmendur për t’i besuar një mashtruesi ordiner që të gënjen edhe për kohën, duke djegur mandatet, duke bojkotuar parlamentit, duke bojkotuar pushtetin vendor. Më thoni a ka ndonjë vend afrikan që në pushtetin lokal që nuk ka përfaqësues të opozitës. Djegia e mandateve ishte e planifikuar nga mafia që drejton Shqipërinë, në mënyrë që të ndodhin të gjitha këto ngjarje që po ndodhin”, tha Meta.