Prej më shumë se një jave vendi ynë vazhdon të jetë në luftë me flakët, ndërsa çdo ditë raportohen vatra të reja zjarri, por vështirësi në shuarjen e tyre. Sipas të dhënave nga Qendra Kombëtare Operacionale e Emergjencave Civile gjatë 24 orëve të fundit janë raportuar 26 vatra zjarri. Bëhet me dije se zjarret janë ende aktive në zonat më poshtë, të cilat ndodhen në rrezik, pasi kapacitet tona të zjarrfikësve nuk janë të mjaftueshme. Helikopteri ka operuar në fshatin Ndërshen, Bashkia Mirditë dhe në fshatin Halil, Bashkisë Krujë, por gjithsesi situata paraqitet e rënduar.
Aktualisht janë aktive vatrat në:
- Fshatin Ndërshën, bashkia Mirditë
- Fshatin Halil, bashkia Krujë
- Fshatin Velçan, bashkia Berat
- Fshatin Bogë, bashkia Malësi e Madhe
- Fshatin Qukës Skënderbej, bashkia Prrenjas.
Për shuarjen e këtyre vatrave gjatë ditës së sotme janë angazhuar forcat në nivel vendor dhe qendror si dhe kapacitetet nga toka dhe ajri.
Discussion about this post