Deputeti i Partisë Demokratike, Tritan Shehu, ka denoncuar masakrën mjedisore të ndodhur në pyllin Shtepezi i Vjetër në deri te Uji i Ftohtë. Me anë të një postimi në Facebook, Shehu thekson se në këtë zonë po priten pemët dhe se po rrafshohet bimësia, ndërsa shteti vazhdon të qëndrojë në heshtje.
“Nje masakër ambietale mbi pyllin nga Shtepezi i Vjetër në Luzat deri te Uji i Ftohtë! Nën “justifikim” e rregullimit të një rruge po shkatërrohet një pyll i tërë në mënyrë kriminale e korruptive. Priten e pemët e rrafshohet bimësia në një hapësirë shumë të gjerë, krejt në kundërshtim me cdo ligj, rregull e normë zhvillimi. Dhe kjo bëhet ditën me diell e askush nuk thotë ndonjë fjalë, asnjë kontroll nga institucionet shtetërore asnjë reagim a shpjegim. Sepse forca e “shtetit”, pjesë në këtë krim qoftë dhe me heshtje, si dhe e grupeve keqbërëse zbatuese qenka kaq e “rëndë” e terrorizuese, sa dhe banorët vete nuk ndjehen! Fatkeqësi cfarë po ndodh në vijimësi në Qarkun e Gjirokastrës. Diku kontaminohen fushat, diku Vjosa, diku përpmbyten tokat, diku asgjesohen pyjet, pemët…etj. Bagetia zvoglohet, tokat gjthmonë e më vështirë të kultivohen…shërbimet vecse po mbyllen! Dhe të gjitha këto që në thelb thellojnë varfërinë e denigrojnë qytetarët, po e “cveshin” ate Qark jo vetëm nga pyjet e prodhimi, por po “rallojnë” në mënyrë katastrofale dhe popullësinë e tij. Sepse këta njerëz të mrekullueshëm e punëtorë kështu të detyruar, vecse po braktisin ato troje, djep i zhvillimit e kulturës. Jam i bindur së shpejt kjo tragjedi që po ndodh do të shpërthejë dhe reagimin e qartë e të fortë popullor!,”-shkruan ai ndër të tjera.
Discussion about this post