Pas publikimit të regjistrit të klasës së ish-presidentit Ilir Meta në Fakultetin e Ekonomisë, u zbulua dhe “sekreti” i këtij të fundit, mbiemri i vërtetë i një prej figurave më të larta të politikës shqiptare. Në regjistër dukej qartë se mbiemri i ish-kreut të Shtetit, është “Metaj” me “j” dhe jo “Meta”, siç dhe është prezantuar ndër vite në jetën publike gjatë karrierës së tij politike. Mendohet se i njëjti mbiemër figuron edhe në dosjen e ish-sigurimit të Shtetit, ku Autoriteti i Dosjeve bëri me dije që politikani I.M ka bashkëpunuar dhe është rekrutuar nga institucioni i pamëshirshëm i regjimit komunist.
Në të gjitha dokumentet që ka firmosur, para publikut, në rrjetin social zyrtar në Facebook, në jetën e përditshme etj., Ilir Meta prezantohet me mbiemrin ‘Meta’.
Në regjistrin e gjendjes civile, në formularin e dekriminalizimit që ka plotësuar dhe shumë dokumente të tjera zyrtare, Ilir Meta figuron me mbiemrin ‘Metaj’, pra më shkronjën ‘j’ në fund. Në fushën juridike, regjistrat e policisë, sistemin TIMS, procese gjyqësore etj., ndryshimi i mbiemrit me një shkronjë është vendimtare, madje po aq sa një emër krejt tjetër i ndryshëm.
Për shembull, nëse një organ hetimor do ta thërrasë Ilir Metën një ditë, me emrin Ilir Meta, ky i fundit mund të mos paraqitet, pasi quhet Ilir Metaj. Ilir Meta mund të kalojë çdo barrierë dhe të shmangë përgjegjësinë me emrin Ilir Meta, pasi mbiemri i tij zyrtar është Metaj.
Ndërkaq, Meta nuk firmos me emrin e tij të plotë dokumente që lidhen me jetën politike në vend, por vetëm kur bëhet fjalë për jetën e tij private, dhe deklarimin e pasurive.,
Ajo që mbetet e panjohur është fakti pse ish-presidenti pse nuk e ka ndryshuar në regjistrat e Gjendjes Civile, mbiemrin e tij zyrtar Metaj në Meta.
Discussion about this post