Ndryshimet në kabinetin qeveritar që bëri kryeministri Edi Rama kanë bërë që sot Kuvendi të mblidhte në një seancë të jashtëzakonshme edhe pse ky sesion parlamentar u mbyll javën që lamë pas. Socialistët pritet të miratojnë shkarkimin e Arben Ahmetajt si zëvendës kryeministër dhe emërimin e Belinda Ballukut në vend të tij.
Po ashtu, në seancë do të miratohet edhe emërimi i ministres së Shtetit, Majlinda Dhuka, e cila do të jetë kryenegociatore e Shqipërisë në procesin e anëtarësimit në BE. Seanca do të mbahet në orën 17:00. Kujtojmë se largimi i Ahmetajt u shoqërua me debate të forta politike, pasi opozita pretendon se Rama e zhveshi nga posti për ta mbrojtur nga afera e inceneratorëve.
Ndërkaq ndryshimet e bëra janë dekretuar nga presidenti i ri Bajram Begaj, i cili ka hedhur firmat e para si kreu i shtetit pikërisht në këto dokumente shkarkimi.
Discussion about this post