Policia e Elbasanit ka mundur të identifikojë dhe më pas të vërë në pranga katër të rinjtë që morën peng 17-vjeçarin mbrëmjen e shkuar. Sipas të dhënave, janë arrestuar sot Danjel Berati,Fabjan Goguja, Beqir Qytyku dhe Ergys Goguja, të moshës 20 vjeç, banues në Elbasan. Ngjarja ndodhi mbrëmjen e shkuar në Elbasan, ku pas përplasjeve mes dy grupeve të rinjve për një zënkë të çastit, katër të arrestuarit kanë marrë me forcë dhe mbajtën peng për disa orë 17-vjeçarin
Menjëherë pas marrjes së njoftimit në orën 22:00 shërbimet e Policisë kanë shkuar në vendngjarje dhe falë veprimeve të shpejta hetimore dhe profesionale kanë bërë të mundur zbardhjen e rrethanave të ngjarjes dhe identifikimin e personave të përshirë në konflikt. Fillimisht policia arriti të lirojë nga pengmarrësit 17-vjeçarin dhe ditën e sotme ka mundur të arrestojë autorët. Ndërkohë, bëhet me dije se materialet hetimore i kaluan Prokurorisë pranë Gjykatës së Rrethit Gjyqësor Elbasan, për veprën penale “Heqja e paligjshme e lirisë”, e kryer në bashkëpunim.
Discussion about this post