Tensionet në veri të Kosovës, Nikolla: Shtyrja e zbatimit të marrëveshjes tregon fuqi jo dobësi

Pas tensioneve në veri të Kosovës, vjen dhe reagimi i kryetares së Kuvendit, znj.Lindita Nikolla. Nikolla shkruan se vendimi i Qeverisë së Kosovës për shtyrjen e marrëveshjes së reciprocitetit deri në 1 shtator, tregon fuqi dhe jo dobësi.

Më tej, Nikolla shprehet se parimi i drejtë i reciprocitetit duhet të zbatohet me maturi nga të dyja shtetet me konsultim me SHBA dhe BE-të.

“Parimi i drejtë i reciprocitetit duhet zbatuar me maturi, vetëpërmbajtje nga të dy shtetet dhe në konsultim me ShBA dhe BE. Përmbajtja e Qeverisë së Kosovës dhe bashkëpunimi i saj me partnerët ndërkombëtarë nuk tregojnë dobësi, por fuqinë që buron nga e drejta, si edhe vizionin e pjekurinë e Qeverisë së Kosovës”, shkruan Lindita Nikolla.