Shumë vende në të gjithë botën po përballen me temperatura përvëluese këto javë, ku në disa prej tyre ka pasur pasoja të rënda. Ndërkohë, që nga mbrëmja e shkuar Kalifornia po përballët me një valë të nxehti ekstrem që ka sjellë dhe shtimin e vatrave të zjarreve. Dy persona janë shpallur tashmë të vdekur, teksa trupat e tyre u gjetën të shkrumbuar brenda makinës, gjë që tregon se po përpiqeshin t’i shpëtonin flakëve që kishin prekur banesën e tyre.
Çifti i bashkëshortëve thuhet se ka hipur në makinë për tu larguar, por ka humbur jetën si pasojë e asfiksimit dhe më pas, flakët kanë djegur trupat e tyre. Ndërkohë autoritetet kanë shpallur gjendjen e jashtëzakonshme, pasi flakët kanë djegur tashmë mbi 50,000 hektarë.
Discussion about this post