Spanja së shpejti të fusë në fuqi ligjin për të mos hedhur dhe shpërdoruar më ushqimin. Nga viti 2023, falë një plani të fuqishëm kundër mbetjeve që përfshin kompani të mesme dhe të mëdha, do të “detyrohen” të transformojnë frutat e pashitura, p.sh. në reçel ose lëng.
Ndërsa restorantet do të pajisen detyrimisht me “çantat për qentë”.
Kjo nënkupton që ushqimi që do teprojë nuk do të hidhet poshtë, por mund tu jepet kafshëve.
Këto janë vetëm disa nga propozimet që përmban projektligji në shqyrtim.
Pak javë më parë, qeveria socialiste e drejtuar nga presidenti Pedro Sánchez miratoi një projekt që synon një qëllim: të mos hidhet ushqimi me ambicien për të krijuar një model në Evropë.
Siç shpjegohet nga ministri spanjoll i Bujqësisë, Peshkimit dhe Ushqimit Luis Planas, mjeti i ri i miratuar nga qeveria do të ndryshojë proceset e zinxhirit ushqimor ku është më joefikas.
Por, i frymëzuar nga ekonomia, ky rojekt është i rëndësishëm edhe në nivel etik, pasi përfshin projekte bashkëpunuese mes restoranteve, organizatave dhe bankave ushqimore.
Gjoba në rastin e mosrespektimit të tij do të jetë shumë e lartë, deri në 500 mijë euro.
Shifrat janë në fakt të pabesueshme: rreth 1300 ton ushqime (31 kg për frymë) hidhen çdo vit nga qytetarët.
Discussion about this post