Ka rënë në prangat e policisë së Dibrës, 28-vjeçari, i cili shkaktoi aksidentin mbrëmjen e kaluar në Gjykatën e Shkallës së parë. Sipas bluve, në pranga është vënë 28-vjeçari F.S, banues në Dibër.
Ky i fundit duke drejtuar automjetin tip ‘BMË’, ka humbur kontrollin dhe ka dalë nga rruga duke shkaktuar dëme materiale në ambientin e jashtëm të Gjykatës. Për pasojë mbeti I dëmtuar lehtë edhe punonjësi i sigurisë G.D, 33 vjeç.
“Dibër/ Specialistët e Seksionit të Trafikut Urban dhe Interurban në DVP Dibër arrestuan në flagrancë shtetasin F.S., 28 vjeç, banues në Dibër, pasi duke drejtuar automjetin tip ‘BMË’, ka humbur kontrollin mbi drejtimin e automjetit dhe për pasojë automjeti ka dalë nga rruga duke shkaktuar dëme materiale në ambientin e jashtëm të Gjykatës së Shkallës së Parë Dibër dhe gjithashtu aksidentoi jashtë rrezikut për jetën shtetasin G.D, 33 vjeç, punonjës i shërbimit të sigurisë private që ishte në shërbim.”-njofton policia.
Discussion about this post