Deputeti i PD, Luçiano Boçi, ka dalë në një deklaratë për mediat, ku po flet në lidhje me aferën e inceneratorëve. Ai shprehet se aktualisht asnjë nga inceneratorët nuk punon, pasi çdo gjë ka qenë marrëveshje mes një grupi të strukturuar kriminal. Ndërsa më tutje ai i ngre disa pyetje për qeverinë, ku i kërkon të tregojë se si u bë remonti pa filluar ende puna dhe me çfarë parash do të paguhet tani që çmimi i naftës u rrit? Sipas tij, ecuria e deritanishme tregon që inceneratorët kanë si qëllim marrjen e 430 milionë eurove, si projekt i mirëmenduar nga grupi kriminal me në krye Ramën.
“Edhe sipas kontratës korruptive që Edi Rama ka miratuar, në kundërshtim me qëndrimin e Agjencisë së Prokurimeve Publike (APP), Inceneratori do të duhet të ishte funksional dhe në pronësi publike qysh prej një viti. Pse Edi Rama miratoi kontratën me treshen seksere Gugallja-Mertiri-Zoto, ndonëse APP i shkruajti troç se kjo ishte procedurë e kundraligjshme? Çfarë karakteristikash ka inceneratori? Shihni çfarë shkruhet ne Fletoren Zyrtare të Shtetit: Karakteristikat do i keni ne aneks. POR shihni aneksin e Fletores Zyrtare: A ka ndonje fjalë të kuptueshme? Edhe kur blen një makinë të thjeshtë të thuhet sa kuaj fuqi ka dhe sa gazra emëton, ndërsa për këtë impiant asnjë fjalë. PSE? Për t’iu referuar paraleles së hequr nga kryebashkiaku “Të bësh remontin e djegësit është si të çosh makinë në servis”, kush e çon makinën në servis shumëmujor qysh vitin e parë që e merr? Si u bë për remont pa filluar ende nga puna? Me paratë e kujt po bëhet remonti? Pse nuk parashikohet remonti ne kontratë dhe pse është marrë një pajisje që ka nevojë direkt për remont?Ky do duhej të ishte incenerator rajonal. A pyeti ndokush bashkitë e tjera të qarkut? Kush do paguajë paratë tani që çmimi i naftës u dyfishua? Partia Demokratike denoncon për të disatën herë mega-aferën e inceneratorëve si një vepër korruptive ku Rama, Ahmetaj, Agaçi, Veliaj, krijuan grup të strukturuar kriminal me qëllimin për të përlarë 430 milion euro së bashku me sekserët Zoto-Gugallja-Mertiri. Ndaj nuk pyetën as për ligj, as për procedura dhe 8 vite më pas asnjë incenerator nuk funksionon”, u shpreh ai, duke treguar se hetimet dhe denoncimet do të vazhdojnë.
Discussion about this post