“Të miratohet paketa e dytë antikrizë, e para ishte lëmoshë”, PD: Ja ku mund ti gjejë paratë qeveria

Anëtar i Këshillit Kombëtar të PD-së, Dorjan Teliti, përmes një statusi në rrjetet sociale, kërkon nga qeveria ndryshimin e buxhetit të vitit 2022.

Sipas Telitit për paratë për të mbështetur njerëzit në nevojë dhe bizneset që janë në prag falimentimin mund të nxirren në rast se shkurtohet të gjitha shpenzimet operative, si dhe të pezullohen të gjitha PPP korruptive, që i shkaktojnë 120 milionë euro buxhetit të shtetit në një vit.

“Duhet ndryshuar buxheti 2022 dhe te ndërmerret një pakete serioze anti-krize për te mbështetur njerëzit ne nevoje dhe bizneset ne prag falimenti. Paketa e pare 3-mujore (prill-qershor) ishte thjesht një pakete “lëmoshë” dhe rezultoi me e ulta ne rajon, duke mos i dhënë aspak përgjigje nevojës reale për te luftuar efektet e krizës.  Qe nga 1 korriku pakete mbështetëse nuk ka, qeveria ka braktisur këdo, qytetare ne nevoje dhe biznese, asnjë qindarke nuk jep qeveria për ta, varfëria po rritet, bizneset po falimentojnë gjithnjë e me shume. Nevojitet menjëherë ndërhyrje ne buxhetin e vitit 2022:

Te shkurtohen te gjitha shpenzimet operative jo te domosdoshme.

Te pezullohen te gjitha procedurat e prokurimeve publike qe skanë lidhje me rritjen e ekonomisë & mirëqenies por vetëm për fryrjen e xhepave te një grushti njerëzish.

Te ndërpriten pagesat buxhetore për te gjitha PPP korruptive nje ore e me pare (rreth 120 milione euro te parashikuara per 2022).

Çdo lek i kursyer nga masat e mësipërme dhe çdo leke shtese qe ka ardhur ne arken e shtetit si pasoje e rritjes se çmimeve (gjate janar-qershor 2022 jane mbledhur 22.7 miliarde leke me shume vetëm nga TVSH krahasuar me janar-qershor 2021), ti kthehen qytetareve dhe bizneseve.

Leket janë dhe gjenden lehtësisht ne buxhet, por duhet vullneti politik i qeverise për te konkretizuar një ore e me pare nje pakete te dyte serioze antikrize, tërësisht ndryshe nga “lëmosha” 3-mujore e paketës se pare. Ekonomia duhet mbështetur, çdo dite qe kalon rendon gjithnjë e me shume ne kurrizin e shqiptareve. Justifikimet e qeverise nuk pine uje”, ka shkruar Teliti.