Dy shqiptarë janë shpallur në kërkim nga policia britanike, si të dyshuar kryesor për vrasjen e një të riu në Britani. Sipas mediave britanike, policia në Mbretërinë e Bashkuar ofron deri në 10. 000 paund shpërblim për këdo që ka informacion për vendodhjen e tyre.
Policia e Uellsit të Jugut ka publikuar një video ku i bën thirrje drejtpërdrejt komunitetit shqiptar në Mbretërinë e Bashkuar dhe jashtë saj për të ndihmuar në gjetjen e të dy të dyshuarve.
Në 28 janar 2021, një 23-vjeçar i identifikuar si Tomasz Waga u gjet i vrarë në Cardiff. Elidon Elezi dhe Artan Palluci janë dy nga pesë personat e dyshuar për vrasjen e të riut.
Stuart Wales, nga ekipi i hetimeve të krimit të Policisë së Uellsit të Jugut, thotë se trupi i Tomasz Waga, që ishte sulmuar për vdekje u zbulua nga një qytetar britanik rreth orës 23:30 të enjten e 28 janarit 2021 në Penylan të Cardiff.
Discussion about this post