Detaje të reja janë zbuluar nga aksioni i sotëm në Vlorë, i drejtuar nga policia shqiptare në bashkëpunim me Guarda di Finanza, ku i kapën rreth 1 tonë drogë. Bëhet me dije se, njëri prej të arrestuarve, Arbër Saraseli, 31 vjeç është një emër i njohur për policinë pasi në vitin 2015 në shtëpi iu gjetën 5 pako tritol. Saraseli u arrestua asokohe në kuadër të operacionit “Laguna” pasi dyshohej se lëndën ekslozive do e përdorte për gjueti peshku.
Kujtojmë se, mesditën e sotme tre shtetas shqiptarë me banim në Vlorë janë arrestuar si pasojë e operacionit “Syri” të organizuar nga Guardia di Finanzia në bashkëpunim me policinë shqiptare, ku u sekuestruan 992 kilogramë kanabis në gjirin e Arushës dhe gjithashtu 3 skafe që po përdoreshin për transportimin e lëndës narkotike. Në pranga ranë edhe dy shtetas ukrainas dhe u shpall në kërkim një tjetër vlonjat.
Discussion about this post