Ministri i Mbrojtjes, Niko Peleshi ka reaguar pas situatës problematike në Dushkarak, ku shpërthyen municione nga përhapja e zjarrit. Peleshi, në një postim në Facebook, u kërkon banorëve të fshatit Dushkarak, në Selenicë të evakuohen menjëherë, në rast se këtë gjë ua kërkojnë autoritetet.
Më tej, ministri Peleshi shprehet se në Selenicë po ndërhyhet nga ajri me helikopterët e Forcave Ajrore.
“Kushtet atmosferike, era e fortë në disa raste po vështirësojnë punën e forcave operacioneve në terren, në përballje me zjarret. Problematike është situata në fshatin Dushkarak në bashkinë Selenicë, ku po ndërhyn nga ajri helikopteri i Forcës Ajrore.
U bëjmë thirrje banorëve që janë pranë vatrave të zjarrit të evakuohen në rast se kjo u kërkohet nga autoritetet.
Nga toka dhe nga ajri po punohet edhe në fshatin Mal Bardhë, në Kurbin. Efektivë të FA janë angazhuar për shuarjen e flakëve në fshatin Vilzë e Bërdicë të Shkodrës, apo edhe në Lam i madh, Bashkia Mat.”-shkruan Peleshi.
Discussion about this post