Ornela Shehi dhe Florind Belliu do të përcillen për në banesën e fundit ditën e nesërme, në një ceremoni që pritet të mbahet në New York, me përkrahjen e komunitetit shqiptar atje.
Lajmi bëhet i ditur nga gazeta Dielli, ndërkohë që jepen dhe detajet e ceremonisë. Ornela Shehi, ishte shtatzënë në momentin kur u shty nga kati i gjashtë i banesës nga bashkëshorti i saj, Florindi, i cili më pas i dha fund dhe jetës së tij.
Mediat në SHBA, dhe miqtë e tij në Shqipëri, kanë zbuluar se Belliu, ka pasur probleme të shëndetit mendor, për të cilat ishte shtruar dhe në psikiatri. Por me firmën e Ornelës, e cila i qëndroi pranë dhe në momentet më të vështira, ai u lejua që të kthehej në banesë, ku do të kryente më pas dhe aktin mizor.
Postimi i komunitetit shqiptar në Shtetet e Bashkuara të Amerikës: “Nesër, shqiptarët e Amerikës përcjellin në banesën e përjetshme Ornela Shehin dhe Florind Belliu. 10 Gusht 2022 nga ora 2 – 9 Pm në adresën e Funeralit: Farenga Brothers Funeral Home 920 Allerton Ave Bronx, NY 10469 (718) 654-0500, komuniteti shqiptar në Neë York e më gjerë do të përcjellë për në banesën e përjetshme bashkëshortët Ornela Shehi dhe Florind Belliu.
Bashkëshortët u ndanë nga jeta tragjikisht duke lënë pas 2 fëmijë të mitur, shumë dhimbje, trishtim e lot te familjarët, miqtë e çdo shqiptar që u trondit thellë nga vdekja e tyre. Largimi për në amshim i dy të rinjve me shumë ëndrra në tokën e premtuar, shkaktoi një tragjedi të vërtetë për rrethanat, pasojat dhe misterin që morën me vete në qiell.
Federata Vatra, Gazeta Dielli e mbarë komuniteti shqiptar në Amerikë shpreh ngushëllimet më të thella familjes, të afërmve e miqve të Ornelës e Florindit. Shpirti i tyre pushoftë në paqen e përjetshme e Zoti i forcoftë familjen. Paçin fëmijët me jetë të gjatë. U kujtofshin e mos u harrofshin kurrë përjetë.”
Discussion about this post