Një aksident i rëndë ka ndodhur pasditen e sotme rreth orës 18:50, në aksin rrugor Korçë-Pogradec, në afërsi të fshatit Gështenjas. Si pasojë e aksidentit mjeti tip “Benz” me drejtues qytetarin me inicialet B. Y., është përfshirë në një aksident me një motomjet pa targë, me drejtuesin me inicialet A. C., 45 vjeç.
Për pasojë janë dëmtuar drejtuesi i motomjetit dhe djali i tij rreth 14 vjeç, pasagjer, banues në fshatin Leshnicë, Pogradec, të cilët ndodhen në Spitalin e Pogradecit nën kujdesin e mjekëve.
Me drejtuesin e mjetit tip “Benz”, po kryhen veprimet e mëtejshme procedurale.
Grupi hetimor po punon për zbardhjen e rrethanave dhe përcaktimin e shkaqeve të aksidentit.
Discussion about this post