Policia e Krujës ka nxjerrë detajet e arrestimit të Klodian Keqit, i cili vrau bashkëfshatarin e tij Luan Hishin, për drutë e zjarrit. Klodian Keqi është arrestuar në orët e mesnatës teksa tentonte të arratisej në Greqi.
Sipas policisë, në pranga janë vënë edhe 2 persona të tjerë që e ndihmuan autorin e dyshuar, për të kaluar kufirin për në Greqi, shtetasit Lavdim Kasalla, 25 vjeç dhe Luftim Gjoka 30 vjeç.
Kujtojmë se ditën e djeshme, rreth orës 09:45, Klodian Keqi pas një konflikti për dru zjarri, në një zonë të pyllëzuar në fshatin Zgërdhesh, Krujë, plagosi me armë zjarri Luan Hishin, i cili si pasojë e dëmtimeve të marra, humbi jetën në spital.
Grupi hetimor, nën drejtimin e Prokurorisë së Rrethit Gjyqësor Krujë, po vijon punën për dokumentimin e plotë ligjor të kësaj ngjarjeje.
Discussion about this post