Merr fund telenovela, Vllaznia i bën dhuratën e radhës Josës

Vllaznia ka zyrtarizuar marrëveshjen me mesfushorin Esat Mala, i cili vjet ishte pjesë e Partizanit në huazim nga turqit e Giresunspor.

Klubi shkodran, që synon titullin kampion këtë sezon, ka dalë me një komunikatë, duke larguar dyshimet për pengesat që kishte nga klubi turk.

“Klubi i Futbollit Vllaznia njofton zyrtarizimin e akordit të arritur me lojtarin Esat Mala, i cili do të jetë pjesë e Vllaznisë në dy sezonet e ardhshme. Mirë se erdhe Esat Mala”.

Mala është një lojtar i konfirmuar në Superiore, madje ka dalë kampion me Partizanin dhe ka qenë pjesë e rëndësishme edhe e Shqipërisë U21 më parë.