Tragjike/ Zjarr në kishë, 41 besimtarë të bllokuar mes flakëve humbin jetën

Një tregjedi me përmasa të mëdha është shënuar në Egjipt, ku të paktën 41 persona kanë humbur jetën nga zjarri që ka përfshirë kishën në kryeqytet.

Sipas mediave vendase, zjarri ra në kishën “Abu Sefein” në Kairo, ku përveç viktimave, mbetën të plagosur rëndë dhe 14 persona të tjerë.

Ministria e Shëndetësisë ka dërguar 30 autoambulanca në vendin e ngjarjes për të dërguar të plagosurit në spitalet e përgjithshme Imbaba dhe Agouza.

Pavarësisht se 15 zjarrfikëse ndërhynë për të shuar flakët, dhjetëra besimtarë nuk ia dolën dot.

Presidenti egjiptian Abdel Fattah el-Sissi bëri të ditur se ka komunikuar në telefon me kreun e kishës Kaptike Taëndros II dhe i ka shprehur ngushëllimet.

Ende nuk dihen shkaqet e zjarrit, ndërsa policia dyshon se mund të jetë shkaktuar nga një pajisje elektrike. Ndërkaq hetimet vazhdojnë.