Maskat terrorizojnë pushuesit në Gjirin e Lalëzit. Grabisin disa vila teksa njerëzit ishin në gjumë

Pesë persona të maskuar kanë hyrë në vilat e kompleksit “Lura” për të grabitur gjatë natës. Burime për Gijotinën bëjnë me dije se grabitësit kanë marrë sende personale të pushuesve.

Një familje nga Kosova është terrorizuar pasi i kanë parë teksa kanë hyrë nga dritarja, dhe më pas ato janë larguar. Policia ka shkuar në vendngjarje vetëm këtë mëngjes.

Mësohet se janë grabitur 2-3 vila, ku ka pasur edhe njerëz brenda. Familja kosovare bëhet me dije se kanë 2 fëmijë të vegjël të cilët gjithashtu kanë mbetur të trembur nga grabitja.