Ushtroi dhunë ndaj motrës, kapet në Fier 38-vjeçari i shpallur në kërkim

Një 38-vjeçar i shpallur në kërkim për “Dhunë në Familje” është arrestuar, pasi dyshohet se ka ushtruar dhunë fizike ndaj motrës së tij.

Lidhur me ngjarjen, bëhet me dije nga uniformat blu se 38-vjeçari me inicialet S.Gj është banues në Pishë, Fier.

“Specialistët për Hetimin e Krimeve të Komisariatit të Policisë Fier kapën dhe ndaluan shtetasin e shpallur në kërkim S. Gj., 38 vjeç, banues në Pishë, Fier, për veprën penale “Dhuna në familje”, pasi dyshohet se ka ushtruar dhunë fizike ndaj motrës së tij.”