Kryeministri i Polonisë, Mateusz Morawiecki foli me tone të ashpra teksa akuzoi Francën dhe Gjermaninë se po drejtojnë Bashkimin Evropian si një “oligarki de facto”, duke injoruar zërat si Polonia, që kishte paralajmëruar prej kohësh për ekspansionizmin rus.
“Shumë liderë evropianë lejohen të joshen nga Vladimir Putin. Ata tani janë në shok”, ka shkruar Mateusz Morawiecki në një shkrim për gazetën franceze Le Monde.
Ai shtoi se ata injoruan paralajmërimin e Polonisë për rrezikun e pushtimit rus, duke lejuar luftën në Ukrainë. Ai vijoi duke thënë: “Kthimi i imperializmit rus nuk duhet të jetë befasi për ne”.
Kryeministri polak shtoi se mekanizmi i sigurisë që mbron BE-në nga tirania e shumicës është parimi i unanimitet.
“Mund të jetë zhgënjyese të kërkosh një kompromis midis njëzet e shtatë vendeve që kaq shpesh kanë interesa konfliktuale, dhe vetë kompromisi mund të mos i kënaqë të gjithë njëqind për qind. Megjithatë, kjo siguron që çdo zë të dëgjohet dhe që zgjidhja e miratuar të përmbushë pritshmëritë minimale të çdo shteti anëtar. Nëse dikush sugjeron që BE-ja të varet edhe më shumë se më parë nga vendimet gjermane që do të ishte e barabartë me heqjen e rregullit të unanimitetit mjafton të bëjmë një analizë të shkurtër retrospektive të këtyre vendimeve për të parë se cilat do të ishin pasojat e kësaj zgjedhjeje. Nëse në vitet e fundit Evropa do të kishte vepruar gjithmonë ashtu siç dëshironte Gjermania, a do të ishte situata jonë më e mirë apo më e keqe sot? Nëse e gjithë Europa do të kishte ndjekur votën gjermane, jo vetëm Nord Stream 1, por edhe Nord Stream 2 do të kishte nisur shumë muaj më parë. Mbështetja e BE nga gazi rus, të cilin Putin e përdor si një mjet shantazhi kundër të gjithë kontinentit, do të ishte pothuajse e pakthyeshme”, tha Morawiecki.
Discussion about this post