Një armë tip kallashnikov është gjetur në makinën e djegur në Frakull të Fierit, që dyshohet se është autorëve të atentatit me dy viktima dhe 1 të plagosur në Vlorë, që u shënua mëngjesin e sotëm.
Burime bëjnë me dije se autorët dyshohet të kenë qenë tre. Ata kanë qëlluar me rreth 60 plumba drejt mjetit tip “Benz” me të cilën po udhëtonin dy viktimat dhe i plagosuri.
Gjithashtu nga hetimet paraprake dyshohet se kemi të bëjmë me një atentat të mirëorganizuar pasi autorët kanë ndjekur çdo lëvizje të shënjestrës dhe kanë hapur zjarr në autostradë në fshatin Panaja, duke mos u lënë asnjë mundësi shpëtimi dy personave, identiteti i të cilëve nuk është bërë ende publik.
Trupat e tyre ndodhen ende në mjet, ndërsa një person ka mbetur i plagosur.
Discussion about this post