Kompania Adidas ka prezantuar kufjet RPT-02 SOL me bluetooth, që përdorin energjinë solare për mbushjen e baterive. Pajisjet solare nuk janë risi, prodhohet nga shumë kompani, por kufjet solare janë diçka e rrallë, transmeton Telegrafi.
Adidas prezantoi RPT-02 SOL që lidhen me pajisjen përmes bluetooth, dhe që kanë të integruar qelizat solare të Exegerov Powerfoyl.
Vetë kufje janë të prodhuara nga plastika e ricikluar, e ofrojnë 80 orë “rezervë” të baterisë edhe kur gjendeni në ambient të errët dhe nuk janë të ekspozuara në rrezet e diellit.
Kufjet janë rezistente ndaj ujit me standardin IPX4, posedojnë mikrofon si dhe portin C për mbushje. Çmimi i tyre është 230 dollarë.
Në treg ekzistojnë edhe një sërë kufjesh që përdorin të njëjtën teknologji, në mesin e tyre edhe modelin Urbanista Los Angeles. /Telegrafi/
Discussion about this post