Deputeti i Partisë Demokratike Ervin Salianji ka reaguar mbrëmjen e sotme në rrjetin e tij social Facebook pas paralajmërimit të BE-së në lidhje me ligjin për ‘pasaportat e arta’ të miratuar nga qeveria e Edi Ramës, se do të ketë pasoja, deri në vendosjen e regjimit të vizave në zonën Shengen.
“E kemi paralajmëruar me kohë, ligji për “pasaportat e e arta” është thellësisht ligj për interesa okulte dhe korruptive që i shkel syrin grupeve të krimit të organizuar, por qeveria në vend që të ndryshojë ligjin e miratuar me votat e saj po avancon me akte nënligjore për të realizuar çmendurinë e radhës duke rriskuar edhe lëvizjen e lirë!”
Më tej Salianji në shkrimin e tij është shprehur se sot BE ritheksoi me forcë rreziqet që skema e përfitimit të shtetësisë nëpërmjet parave mund t’i sjellin Shqipërisë.
“Sot BE ritheksoi me forcë rreziqet që skema e përfitimit të shtetësisë nëpërmjet parave mund t’i sjellin Shqipërisë, sa i përket infiltrimit të krimit të organizuar, pastrimit të parave, evazionit fiskal dhe korrupsionit nëpërmjet “aplikantëve të mundshëm nga vendet e treta në një skemë të ardhshme shqiptare”.
Discussion about this post