Bedri Elezi, ekspert sigurie u shpreh se edhe më shqetësuese se ndërhyrja e forcave ruse në Gramsh, është arrestimi i tyre pas denoncimit të qytetarëve.
Sipas tij, dy rusët dhe ukrainasi që u futën në depon e armatimit në Gramsh janë rrezik për sigurinë dhe nuk kanë qenë duke u vëzhguar siç tha ministri Peleshi, pasi po të ishte ashtu nuk do të arrestoheshin pas denoncimit të qytetarëve.
Elezi është shprehur në një intervistë se ngjarja mund të përshkallëzohej pikërisht sepse autoritetet shqiptare kanë reaguar me vonesë dhe nuk i kanë pasur në survejim të drejtpërdrejtë.
Dy shtetas rusë dhe 1 ukrainas sulmuan me spray neuro-paralizues dy ushtarët shqiptarë që ndodheshin në uzinën e armëve në Gramsh.
Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.
Discussion about this post