Rrufeja i vret 165 krerë bagëti, çobani në Gramsh kërkon ndihmë: Më goditi gjithë familjen

Një rrufe ka goditur një tufë delesh në Gramsh, e si pasojë 165 krerë kanë ngordhur, ndërsa për fat të mirë ka shpëtuar mrekullisht çobani.

Mësohet  se ngjarja ka ndodhur pasditen e djeshme, pas një stuhie shiu që mbuloi qendrën administrative Kukur. Bariu i i cili ka shpëtuar mrekullisht, Skënder Shuli, me lot në sy ka parë sesi burimi i vetëm i të ardhurave për familjen e tij 6 anëtaresh ka marrë fund.

Ai bën apel për ndihmë nga qeveria, pasi thotë se familja e tij prej 6 anëtarësh kishte si burim të ardhurash gjedhët.

“Sot rrufeja nuk goditi vetëm tufën time, por gjithë familjen”, thotë ai.