Në një video të publikuar në facebook, gazetari Elton Qyno ka treguar vilën e Gentian Sharrës në Bradashesh të Elbasanit. Vila ‘Enea’, e cila është në pronësi të Gentian Sharrës dhe është marrë në sekuestrim nga Gjykata e Elbasanit, duket se nuk është plotësisht e sekuestruar. Kjo pasi në pamjet e mëposhtme, siç shkruan dhe Qyno shihen të gjitha dritat e kësaj vile ndezur. Qyno po ashtu ka ironizuar me faktin se veç fatura e dritave të muajit gusht nuk dihet se sa do të vijë.
“Nga fundi i errësirës, del rezidenca e parajsës në Elbasan. Vetëm fatura e dritave për muajin Gusht, ku dihet sa do vije. Edhe pse Gentian Sharra falë dëshmisë së Dumanit është izoluar në burg për akuzën e grabitjes. Edhe pse prokuror Xhilian Seferi vendosi sekuestron e viles dhe pronave te Sharrës, kjo video tregon se asnjë poç nuk është fikur. Super vila ndodhet ne fundin e errësirës dhe qëndron, si një rezidence parajse në Bradashesh. Vila ‘Enea’ u sekuestrua me kërkesë të Prokurorisë pranë Gjykatës së Rrethit Gjyqësor Elbasan. Gjykata ka caktuar masën e sigurimit pasuror “Sekuestro”, për pasuritë e paluajtshme dhe të luajtshme në pronësi të Gentian Sharra dhe të babait të tij, Mustafa Sharrës. Gentian Sharra ka qenë i dënuar më parë, me aktivitet kriminal në fushën e trafikimit të lëndëve narkotike, i dyshuar për grabitjen e një sasie të madhe parash në Rinas, si dhe i arrestuar në kuadër të operacionit policor “Golden bullet”. Sharra është përmendur në dëshmitë e Nuredin Dumanit, i cili ka treguar se Sharra lidhet me një seri grabitjesh që nga viti 2011 e deri tek grabitja e milionave në Rinas” – shkruan Qyno në facebook.
Discussion about this post