Ish-kryeministri Sali Berisha në një konferencë për mediat ka bërë të ditur se drejt Shqipërisë po vijnë nga Bangladeshi impiante për prodhimin e energjisë.
Nga selia blu, Berisha tha se ekspertët i kanë bërë me dije se këto impiante punojnë me naftë të rëndë dhe çlirojnë një sasi të madhe squfuri, e cila është shumë e dëmshme për shëndetin. Berisha tha se Rama do ta kthejë Vlorën në një qytet që nuk do të jetohet më për shkak të ndotjes së madhe, e barabartë sipas tij me 100 mijë makina.
“Kaskada e Drinit sot është 274 metër në një kohë kur me rregulloren ajo më 1 shtator nuk mund të jetë kurrë në këto nivele. Por edhe Rama për të justifikuar këtë vetë-instaloi këto impiante të cilat janë 2 impiante që janë instaluar në Bangladesh. Nga 2018 deri sot këto impiante ishin pa funksion fare. Problemet e tyre përveç çmimeve që janë stratosferike po kaq të tmerrshme janë problemet që lidhen me ambientin, këto nuk janë termocentrale por gjeneratorë gjigantë të cilët funksionojnë me naftë të rëndë e cila ka në përbërjen e vet 50mg për litër squfur. E ndaluar për tu përdorur. Rama do të krijojë një ndotje të madhe sikur në Vlorë të shtohen 100 mijë makina në këtë qytet. Kjo është një çmenduri. Eksperti më konfirmon se këto makineri do të harxhojnë 600 tonë në ditë naftë të rëndë, a mund të qëndrohet në Vlorë në këtë situatë? Korrupsioni të verbon në çdo gjë. Edi Rama ka mashtruar qytetarët ku në opinion ka deklaruar se këto punojnë me gaz, këto gjeneratorë punojnë me naftë të pasur me squfur. Imagjinoni ju 1000 mijë makina me karburant me squfur, e dënoj me ashpërsinë më të madhe këtë mega-aferë të tmerrshme të qeverisë për të justifikuar këtë vendim në mënyrën më të paaftë dhe të pavërtetë”, tha Berisha.
Discussion about this post