Kryebashkiaku i Bulqizës Lefter Alla duket se ka marrë “shembull” kryeministrin Edi Rama dhe i ka puthur duart kampiones së Europës Luiza Gega gjatë pritjes së zhvilluar ditën e sotme. Nuk dimë nëse kjo ishte një rastësi, por ky moment ka rënë në sy nga pjesëmarrësit dhe është fotografuar, ndërsa duket identik si foto kur Rama puthi duart atletes.
Alla ka qenë mes zyrtarëve lokalë që kanë pritur Gegën në nisje të ceremonisë dhe gjatë përshëndetjes me të i ka puthur duart atletes .Të njëjtin gjest bëri pak ditë më parë edhe kryeministri Edi Rama gjatë ceremonisë së zhvilluar në bulevardin “Dëshmorët e Kombit” menjëherë pas pritjes zyrtare në aeroportin e Rinasit.
Gjatë ceremonisë, Luiza Gega u vlerësua me titullin “Qytetare Nderi e Bulqizës”. Të pranishmit e vlerësuan kampionen shqiptare si një nga emrat më të rëndësishëm të sportit të dalë nga Bulqiza, dhe si një burim frymëzimi për shumë të rinj e të reja që dëshirojnë të arrijnë majat e suksesit.
Discussion about this post