“S’jemi në atë nivel akoma!“-shkroi Ronela Hajati ditë më parë pas një pyetje në Instagramin e sal e cila sugjeronte se ajo duhet të ishte e ftuar në “Sunny Hill Festival”. Ronela i ktheu një përgjigje që mund të duket modeste, por edhe një kunjë për festivalin që asokohe po mbahej në Prishtinë. Kjo pasi pyetja vjen në një kohë kur Ronela përfaqësoi Shqipërinë në ‘Eurovision 2022’, me këngën “Sekret”, ku mori mbështetje nga shqiptarë dhe të huaj.
Po ashtu, fakti që Ronela zgjodhi ta postonte pyetjen, i bëri të gjithë të mendojmë se është kunjë, pasi në festival kanë kënduar shumë kolegë të saj shqiptarë. Për këtë arsye prezanca e saj në ‘Sunny Hill’ mbrëmjen e djeshme na habiti jo pak. Festivali i organizuar nga Dua Lipa dhe babai i saj u mbajt për herë të parë në Tiranë në datat 26, 27 dhe 28 gusht. Natën e fundit të tij, Ronela u shfaq në rrjetet sociale duke shijuar performancat me miqtë e saj në zonën VIP
Ajo ka mbështetur kolegë që performuan, si Mozzik, e po ashtu ka publikuar edhe video duke kërcyer e argëtuar. Edhe pse mund të mos jetë ‘e kënaqur’ që nuk ishte në listën e artistëve që performuan në Festival, Ronela ka lënë gjithçka pas dhe ka vendosur ta shijojë atë. Ku i dihet, ndoshta mund të ngjitet në skenë vitin e ardhshëm…
Discussion about this post