Gjyshja bie në pus bashkë me mbesën 4-vjeçare

Një ngjarje që mund të përfundonte në tragjedi është shmangur në Korfuz.

Një gjyshe është shpëtuar për mrekulli bashkë me mbesën e saj në ishullin grek, pasi kishin rënë në pus.

Mediat greke raportojnë se ka qenë vogëlushja 4-vjeçare që ka rënë fillimisht në pus.

Më pas gjyshja ka tentuar ta shpëtojë, por në tentativë e sipër për ta tërhequr lartë, 67-vjeçarja ka rënë në pus.

Në operacionin e shpëtimit kanë marrë pjesë 12 zjarrfikës me 6 automjete. Pas nxjerrjes nga pusi, 67-vjeçarja dhe mbesa e vogël u dërguan në spital për kontrolle paraprake mjekësore.