Ditën e sotme, kryeministri Edi Rama ka emëruar si drejtor të rekomanduar në SHISH ish-këshilltarin e tij të Olian Kanushit. 41-vjeçari ka qenë deri para një viti këshilltari i vetë Ramës për çështjet e sigurisë. Sipas burimeve, në mbledhjen e sotme, kryeministri ka pasur një takim që herët në mëngjes me drejtorët e SHISH, ku përveç prezantimit të Kanushit, ka lënë porosi të veçantë për oficerët. Numri një i qeverisë ka kërkuar që të merren “me sigurinë dhe punët brenda vendit, pastaj shihni ato me jashtë”.
Ndërkohë që Kanushi ka marrë detyrën e tij të re, për pak kohë do të duhet të zëvendësojë edhe drejtorin aktual të SHISH-it, Helidon Bendo. Ky i fundit ka rreth 2 muaj që është në SHBA, ku ka nisur një intership 1-vjeçar për specializim. Duke qenë se nuk ndodhet në vend, Bendo nuk do ushtrojë detyrën e drejtorit të Përgjithshëm edhe për të paktën 10 muaj të tjerë.
Ndaj dhe Rama ka vendosur që në SHISH të çojë ish-këshilltarin e tij. SHISH është një nga dy strukturat e inteligjencës shqiptare së bashku me Agjencinë e Inteligjencës dhe Sigurisë së Mbrojtjes (AISM) ose ish Shërbimi Informativ Ushtarak.
Discussion about this post