Vrau ish-kunatin dhe ish-vjehrrin në Lezhë, Pjetri pritet të shpallet në kërkim ndërkombëtar

Besnik Pjetri, autori i vrasjes së dyfishtë në Lezhë pritet të shpallet në kërkim ndërkombëtar.

Ngjarja ka ndodhur dy ditë më parë në fshatin Grykë Zezë. Viktimat janë Pjetër Perjaku dhe Gent Perjaku, babë e bir.

Ndërsa autori ishte ish-dhëndri i familjes Përjaku.

Si ndodhi ngjarja?

Familja Perjaku ishte kthyer ne një ditë më parë  dhe më parë kishin shkuar për darkë tek një familjar i tyri. Menjëherë në momentin që janë kthyer në banesë dhe janë futur në korridorin e shtëpisë së tyre, u shfaq ish-dhëndri Besnik Pjetri, i cili qëlloi me breshëri automatiku dhe i ka lënë të vdekur në vend, Pjeter Perjakun dhe Gent Perjakun.

Burime bëjnë me dije se Besnik Pjetri ka qenë i ndaluar në shtetin italian për dhunë ndaj bashkëshortes para se ato të ndaheshin dhe vazhdimisht ka kërcënuar familjen e bashkëshortes së tij se do i vriste. Autori dyshohet se i ruante prej vitesh rikthimin e tyre në banesën që më parë ai dhe ka jetuar para divorcit.  Deri më tani akoma nuk ka asnjë gjurmë nga autori, ndërsa policia është ende në kërkim të autorit të krimit të dyfishtë që tronditi vendin.