Çmimi i lartë i vendosur nga Bordi i Transparencës për naftën dhe nënproduktet e saj, po detyron shqiptarët të kërkojnë alternativa jo të ligjshme për të siguruar “arin e zi” të nevojshëm për nevojat e përditshme. Së fundmi, dy punëtorë të një kompanie kanë rënë në prangat e policisë në Fier, pas dyshimeve se kanë vjedhur naftë në firmën ku punonin.
Mësohet se në pranga kanë rënë Artan Klari dhe Bruno Ceka, banues në Shijak dhe Durrës.
“Vihen në pranga 2 shtetas, procedohen në gjendje të lirë 3 të tjerë për vepra të ndryshme penale.
Specialistët e Seksionit për Hetimin e Krimeve Ekonomiko-Financiare të DVP Fier arrestuan në flagrancë, për veprën penale “Vjedhja duke shpërdoruar detyrën”, kryer në bashkëpunim, shtetasit:
-A. K., 49 vjeç dhe B. C., 36 vjeç, të dy banues në Shijak, Durrës, me detyra respektive kontrollor dhe vrojtues në një kompani nafte, pasi dyshohet se gjatë natës, kanë vjedhur duke shpërdoruar detyrën, një sasi nafte që shërbente për makineritë e kompanisë.”-nofton policia.
Discussion about this post