Theu masën e arrestit të shtëpisë, kapet polici i dënuar për korrupsion (EMRI)

Policia e Korçës ka ndaluar efektivin e lënë në masën ‘arrest shtëpie’, Enea Qosen. Policia në bashkëpunim me AMP, kanë bërë të mundur nëpërmjet informacioneve, ta kapin këtë person në një lokal në lagjen 4 të Korçës.

Enea Qose u arrestua nga Agjencia e Mbikëqyrjes Policore pak kohë më parë në Korçë, pasi dyshohej për veprën penale “Vjedhja e kryer duke shpërdoruar detyrën” dhe “Falsifikimi i dokumenteve”. Efektivi i policisë u ndalua pas ankesës së një shtetasi nga Kosova, i cili pretendonte se i ishte vendosur një masë administrative në kundërshtim me ligjin në vlerën 6 mijë lekë.

Ai sqaronte se Qoses i kishte dhënë shumën prej 50 euro për shlyerjen e kësaj mase administrative. Pritet njoftimi zyrtar nga AMP për rastin.