Babai i Silvana Gushit, e cila humbi jetën në aksidentin tragjik së bashku me bashkëshortin dhe dy vajzat, ka paralajmëruar protestë.
Në një intervistë për ‘News24’, ai është shprehur se në orën 18:00 do të mblidhen të gjithë në qendër të Fierit, për të kërkuar drejtësi për jetët e humbura.
‘Nesër në orën 18:00 do jemi në Fier, në protestë. Nesër të gjithë dashamirësit e mi, ai që ka shpirt, aty në qendër të Fierit do ta kini. Turp i kohës. Morën jetë njerëzish. Nuk dua gjakmarrje, nuk dua ta di bie brenda apo jo, s’e kanë problem. I lutem zotit ta nxjerrin atë”, tha zoti Sotiraq.
Ngjarja e rëndë ndodhi mëngjesin e së premtes, në zonën e njohur si “Zona e Kripës” në aksin Fier-Vlorë. “Audi” përplasi makinën e llojit “Toyota” dhe shkaktoi kështu vdekjen e katër anëtarëve të një familjeje. Më pas u përplas me shtyllën elektrike dhe për fundoi në kanal. Dy personat që u ndodhen brenda mjetit “Audi” u plagosën lehtë.
