Deputeti demokrat, Edmond Spaho ka reaguar në Kuvend për sa i përket mijërave ton naftë kontrabandë të bllokuar në Portin e Durrësit. Deputeti demokrat kërkoi që të zbulohen detaje.
Lidhur me ngjarjen, katër shtetas të huaj, një nga Libia dhe një sirian u arrestuan dhe u proceduan në gjendje të lirë 6 bashkëpunëtorët e tyre.
Por Spaho të enjten kërkoi që të bëhet e ditur “kush është arrestuar për naftën kontrabandë, kush e ka porositur, kush i ka marrë dy të parat?”
“Do kapni njeri? Kemi thyer edhe sanksionet,” shtoi deputeti demokrat. Por maxhoranca nuk ka reaguar pësa u përket deklarateve të deputetit demokrat. Ndërkaq sipas disa mediave, porositësi naftës së kapur në Port është oligarku shqiptar i afërt me kryeministrin Edi Rama, Shefqet Kastrati.
Shkelja e embargos së Këshillit të Sigurimit
Por kontrabandimi nuk është e vetmja shkelja, ajo që e bën edhe më të rëndë është se në këtë rast është shkelur Rezoluta e Këshillit të Sigurimit, pjesë e së cilës është edhe Shqipëria, e cila miratoi unanimisht zgjatjen e embargos së naftës dhe produkteve të tjera me Libinë deri në 30 tetor të vitit të ardhshëm.
Discussion about this post