Nga aksidenti i rëndë i shënuar pasditen e sotme në fshatin Nartë të Vlorës është bërë arrestimi në flagrancë i shoferit të taksisë 54-vjeçari me inicialet S. D. Lidhur me ngjarjen e rëndë kujtojmë se një mjet tip “Benz” është përplasur me shtyllën. Në brendësi të tij kanë qenë 5 veta së bashku me shoferin, mes tyre dy fëmijë 13-vjeçar.
Nga aksidenti kanë mbetur 6 persona të plagosur mes tyre 4 në gjendje te rëndë. Të lënduarit janë transportuar me tre ambulanca në drejtim të spitalit të Vlorës. Drejtuesi i mjetit ishte në gjendje të dehur.
“Në vijim të veprimeve, në lidhje me aksidentin e ndodhur gjatë ditës së sotme, në fshatin Nartë, ku shtetasi S. D, duke drejtuar automjetin tip “Benz” (taksi), në të cilën udhëtonte me bashkëshorten, 2 fëmijët e tij dhe 2 të afërm të tjerë, të cilët ndodhen në spital, jashtë rrezikut për jetën, ka humbur kontrollin e automjetit dhe si pasojë është përplasur me një shtyllë, ju informojmë se:
Nga specialistët për Qarkullimin Rrugor në DVP Vlorë, u bë arrestimi në flagrancë për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt” i shtetasit S. D, 54 vjeç, banues në Vlorë, i cili pas kryerjes së testit të alkoolit ka rezultuar se drejtonte mjetin në gjendje të dehur në masën 0.987 mg/l.”
Discussion about this post