Ish-kandidati për deputet i LSI-së, Etjon Joka është dënuar me 1 vit burg nga Gjykata e Posaçme kundër Korrupsionit.
Ai u gjykua për akuzën e korrupsionit në zgjedhje. GJKKO pranoi kërkesën e SPAK, i cili po ashtu kërkoi 1 vit burg për ish kandidatin e LSI-së.
Joka, dyshohet se shpërndau para gjatë fushatës elektorale kundrejt dhënies së votës. Gjithashtu me 1 vit u dënua edhe Elis Babo.
Pretenca e SPAK
Dy muaj më parë, Prokuroria e Posaçme Antikorrupsion (SPAK) kërkoi dënimin me 1 vit burg për ish-kandidatin e LSI-së për deputet në zgjedhjet parlamentare të 25 prillit, Etjon Joka. Ky i fundit u filmua ndërsa jepte para në këmbim të votave.
Po ashtu, një vit burg u kërkua edhe për Elis Babon, personi që kishte kryer filmimin dhe të cilit i ka dhënë paratë Joka. Ndërkohë, vetë ish-kandidati për deputet, përmes avoktatit të tij deklaroi se gjithçka ka qene e stisur nga kundërshtarët e tij politikë si Alqi Bllako, i cili është arrestuar për inceneratorët.
Avokati i Jokës paraqiti prova dhe fakte ne lidhje me videon, telefonin që është bëre filmimi dhe se kujt i është dorëzuar ajo, prova sipas tyre lidhen me kundërshtarët e Jokës në zgjedhje. Ndërkohë i pandehuri tjetër Elis Babo nëpërmjet avokatit të tij pretendoi se e ka bërë filmimin për të denoncuar korrupsionin në zgjedhje edhe pse ishte në kushte të vështira ekonomike.
Discussion about this post