Superiorja vijon rrugëtimin me ndeshjen e javës së pestë, pas duelit që Tirana fitoi kundër Teutës. Sot në program janë edhe dy ndeshje të tjera, kurse të dielën e të hënën luhen edhe nga një takim.
Bylis-Egnatia është dueli i parë i ditës, që nis në orën 15:00. Ballshiotët vijnë pas një fitoreje në Laç, kurse rrogozhinasit pas triumfit 3-0 kundër Vllaznisë.
Në orën 17:45 luhet takimi tjetër, mes Erzenit suprizues – që as nuk ka pësuar gol në katër javët e para të kampionatit – dhe Laçit. Kurbinasit duan kthesën pas 3 humbjeve radhazi.
Të dielën në program është dueli mes Vllaznisë dhe Kastriotit, kurse java mbyllet të hënën me ndeshjen Kukësi-Partizani.
Discussion about this post