Një 22-vjeçar i identifikuar si Ibrahim Potka ka rënë në prangat e policisë në Korçë pasi është zbuluar se në ambientet e një lokali në pronësi të tij përdoreshin dhe shiteshin lëndë narkotike.
Si rezultat ra në pranga pronari 22-vjeçar, ndërsa u vunë nën hetim dhe 2 persona të tjerë. Përveç këtij aktiviteti të paligjshëm në ambientet e lokalit, rezultonte se lokali në pronësi të riut nga fshati Turan ishte i paregjistruar në organet tatimore.
22-vjeçarit iu gjetën 4 doza me lëndë të dyshuar narkotike kokainë, po ashtu dhe një personi tjetër, i cili ndodhej në lokal, një 36-vjeçar me iniciale I.Z nga fshati Dërsnikiu gjetën 2 doza me lëndë narkotike., i cili u vu nën hetim. Nën hetim është dhe një 37-vjeçar me iniciale S.P nga Korça, i cili ndodhej në lokal.
Materialet në ngarkim të të arrestuarit dhe dy personave të vënë nën hetim i kaluan Prokurorisë së Rrethit Gjyqësor Korçë, për veprime për veprat penale “Prodhimi dhe shitja e narkotikëve”; “Përshtatja e lokalit për përdorim droge”; “Fshehja e të ardhurave”; “Ushtrimi i një aktiviteti tregtar të paligjshëm ose të paregjistruar në organet tatimore”.
Discussion about this post