Vrasje e përdhunime, kush janë shqiptarët e shpallur në kërkim ndërkombëtar

Mes e-mail-ve sekrete të dërguara në adresën zyrtare të ish-drejtorit të Përgjithshëm të Policisë së Shtetit, Gledis Nanos, që u zbuluan nga grupi i hakerave, janë publikuar edhe ato të Tonin Vocaj, i cili mbante postin e drejtorit të Policisë Kriminale.

Vocaj i ka dërguar Nanos në vitin 2021 listën e personave të shpallur në kërkim në 12 qarqet e vendit.

Qarku me më shumë persona të shpallur në kërkim është ai i Durrësit, ku numri shkon në 31, ndërsa 2 prej tyre rezultojnë të dënuar me burgim të përjetshëm. Durrësi vijohet nga Tirana, Lezha e Shkodra.

Ndërsa qarku i Gjirokastrës rezulton vetëm me 1 person të shpallur në kërkim.

Në total janë tre persona të dënuar me burgim të përjetshëm. Shteti ku rezulton numri më i madh i personave të shpallur në kërkim është Italia, ndërsa më tej vijnë SHBA, Anglia dhe Kosova. /Panorama/