Një ngjarje e rëndë ka ndodhur në Tiranë ku një 80-vjeçare me iniciale V.M. ka ndërruar jetë ditën e sotme pasi banesa ku ajo jetonte është përfshirë nga flakët.
Policia bën me dije se ngjarja ka ndodhur në rrugën “Celo Sinani” në Tiranë ndërkohë që e moshuara dyshohet se ka ndërruar jetë si pasojë e asfiksisë.
“Më datë 22.09.2022, në rrugën “Celo Sinani”, ka rënë zjarr në banesën e shtetasit M. L. Si pasojë e përhapjes së flakëve, ka ndërruar jetë për shkak të asfiksisë shtetasja V. M., 80 vjeçe. Grupi hetimor po punon për sqarimin e rrethanave të ngjarjes”, thuhet në njoftimin e policisë.
Discussion about this post