Një ngjarje e rëndë vjen nga Meksika qendrore. Si pasojë e përplasjes së bandave janë vrarë 10 persona.
Autorët ishin disa persona të armatosur, ende të paidentifikuar.
“Duket se ishte një sulm i drejtpërdrejtë,” tha një zyrtar i policisë nga qyteti Tarimoro në shtetin e Guanajuato, i cili është tronditur vitet e fundit nga luftërat e egra midis bandave rivale të drogës.
Zyrtari, i cili foli në kushte anonimiteti, tha se të dhjetë viktimat në sulmin e së mërkurës ishin meshkuj dhe se nuk ishte bërë ende asnjë arrestim.
Një zyrtar i qeverisë shtetërore tha se nëntë nga burrat u vranë në vendngjarje, ndërsa një tjetër vdiq nga plagët e tij pasi u dërgua në spital, shkruajnë mediat e huaja.
Duke e quajtur të shtënat një “sulm frikacak”, guvernatori i Guanajuato, Diego Sinhue Rodriguez në Tëitter shprehu ngushëllimet e tij për familjet e viktimave.
Ai nuk dha detaje të sulmit.
Ministria federale e sigurisë tha këtë javë se Guanajuato ka parë më shumë vrasje këtë vit në mesin e shteteve meksikane, duke regjistruar 2,115 viktima midis janarit dhe gushtit.
Discussion about this post