Ministrja e Arsimit, Evis Kushi ka dalë me sqarim lidhur me arsyet pse u mor vendimi nga Qeveria për mbylljen e shkollës turke jopublike “Mehmet Akif Ersoy”.
Në reagimin e bërë, Kushi hedh poshtë spekulimet se vendimi lidhej me kërkesën e presidentit turk Erdogan për dëbimin e gylenistëve nga vendi ynë, por theksohet se shkolla në fjalë nuk plotësonte kriteret ligjore dhe si pasojë licenca duhet të revokohej.
Në vendimin e qeverisë nuk thuhet arsyeja e këtij vendimi, por njoftimi i ministres Kushi duket se është bërë me qëllimin për “shuar” zërat që thonë se vendimi erdhi si urdhër i presidentit turk Erdogan për kryeministrin Rama. Kujtojmë se në vendin tonë prej vitesh operojnë shumë biznese të në pronësi të shtetasve turq, pjesë e lëvizjes gylene në Turqi.
Mbyllja e këtyre objekteve ka qenë vazhdimisht kusht i presidentit turk Recep Tayp Erdogan, madje dhe herën e fundit që vizitoi Shqipërinë presidenti turk ia bëri Ramës një kërkesë të tillë, ndërsa dhe depërtimi i gylenistëve po bëhet duke shkelur rregullat. Rama reagoi dje për herë të parë duke thënë se Shqipëria do të do të pajiset me dron “Bajraktar” të armatosur, dhuratë nga qeveria e Erdogan.
Mesa duket shpërblimi që po merr nga Erdogan për zbatimin e kërkesave të tij, duket se për Ramën është më i rëndësishëm se arsimimi i të rinjve dhe përgatitja e brezit të ardhshëm.
Discussion about this post