Pamje të tmerrshme janë ato që vinë nga “02 Arena” e cila ndodhet në Londër. Aktualisht aty po zhvillohet turneu i tenisit që po përjeton dhe lamtumirën e kampionit të këtij sporti, legjendës Roger Federer.
Por pak para se Federer të bënte ndeshjen e tij të fundit, një protestues që është futur në fushë, i ka vënë zjarrin krahut. Ai quhej Kai, i moshës 20-vjeçare, i cili ndërpreu setin e dytë të ndeshjes tek meshkujt midis Stefanos Tsitsipas dhe Schwartzman, është anëtar i grupit “End UK Private Jets”, i cili pretendon se ’emetimet e karbonit në 2022 janë gjenocid’.
Ai i vuri flakën krahut të tij dhe dukej që po përjetonte dhimbje të mëdha ndërsa flakët i përhapeshin në të gjithë krahun.
Pas pak minutash, ai fërkoi krahun e tij për të shuar flakët ndërsa ishte ulur në fushën e tenisit, ndërkohë që sigurimi nxitoi për ta kapur, duke e tërhequr përfundimisht zvarrë.
Ndërkohë, legjenda e tenisit, Federer, zbuloi në fillim të këtij muaji se turneu i Londrës, “Laver Cup”, do të ishte kompeticioni i fundit i karrierës së tij, pasi kishte luftuar me një sërë lëndimesh vitet e fundit.
Dje, ikonat e tenisit Andy Murray, Rafa Nadal dhe Novak Gjokoviç luajtën të gjithë në të njëjtën fushë me asin zviceran, i cili ka fituar 20 trofe.
Discussion about this post