Biznesmeni shqiptar Fatmir Ara mbeti i vrarë në Itali, ngjarje kjo e ndodhur në fillim të shtatorit. Ndërkohë policia e shtetit fqinj ka vënë në pranga dy persona. Ata janë 43-vjeçaren Barbara Ghena dhe 29-vjeçarin Andrea Fagnoni dhe akuzohen si bashkëpunëtor në krim.
Gruaja, e cila është njëkohësisht motra e autoriut kryesor Davide Ghena, i cili ka rrëfyer më herët vrasjen dhe i riu tjetër, dyshohet se kanë ndihmuar me mjete, por edhe moralisht në organizimin e vrasjes së Arës.
Mediat italiane bëjnë me dije se motivet mbeten ende të paqarta për shkak të asaj që përfaqësojnë të arrestuarit. Barbara përshkruhet si një person pa të shkuar kriminale dhe asnjë lidhje të dyshimtë, ndërkohë punon si një kujdestare fëmijësh dhe i arrestuari tjetër njihet si i papunë.
Fatmir Ara u gjet i pajetë një ditë pasi ishte shpallur i zhdukur nga familjarët, ai ishte qëlluar disa herë me armë zjarri dhe ishte lënë buzë një rrugë në një zonë të pyllëzuar në afërsi të kompanisë së drejtonte.
Fillimisht hetuesit Italian u fokusuan të e shkuara e Arës për shkak të disa precedentëve penal, por në raportimet e fundit, mediat italiane thonë se çdo pistë mbetet e hapur në zbardhjen e motiveve.
Discussion about this post