Gentian Ruli, i dënuar me 7 vite heqje lirie për trafik droge ka kërkuar të lirohet nga burgu i Fierit më herët nga çfarë i takon. Sipas dosjes hetimore, si rezultat i falsifikimit të ditëve të punës nga IEVP Fier në kundërshtim me kriteret e saj i dënuari ka përfituar rreth 15.6 ditë ulje dënimi, kur realisht duhej të përfitonte 5.7 ditë ulje dënimi nga puna
Ruli, është dënuar me 7 vjet në burg, nga Gjykata e Rrethit Gjyqësor Sarandë por në mungesë. Ai u ekstradua nga Greqia më 3 Maj 2017, vend ku edhe ishte arratisur.
PJESË NGA DOSJA HETIMORE:
Në dosjen penale të dënuarit Gentian Ruli, ka rezultuar se; Për këtë të dënuar nga ana jonë janë verifikuar 104 ditë pune në IEVP Fier, të shënuara në kartelat e punës, për periudhën Tetorë, Nëntor, Dhjetorë 2020 dhe Janar 2021. Nga këqyrja në regjistrin e hyrje daljeve nr.ë prot datë 12.03.2019, i cili fillon me datën 06.09.2020 dhe përfundon me datë 11.08.2021 dhe rezulton se i dënuari Gentian Ruli, ka dalë në punë 38 ditë e konvertuar në ulje dënimi 5.7 ditë konkretisht; Për muajn Tetorë 2020 ka dalë për punë me datë 6, 19, 20, 19, 21, 22, 24, 25, 26, 28, 29, 31 dhe në kartelën e punës është e shënuar 26 ditë punë. Për muajn Nëntor 2020 ka dalë për punë me datë 1, 2, 3, 4, 5, 9, 11, 12, 14, 15, 17, 16, 18, 19, 20, 21, 22, 23, 24 ,25, 26, 27dhe në kartelën e punës është e shënuar 26 ditë punë. Për muajn Dhjetorë 2020 ka dalë për punë me datë 29 dhe në kartelën e punës është e shënuar 26 ditë punë. Për muajn Janar 2021 ka dalë për punë me datë 6, 28, 29 dhe në kartelën e punës është e shënuar 26 ditë punë.
Referuar Urdhrit nr.2259, datë 18.03.2008 të Drejtorit të Përgjithshëm të Burgjeve “Mbi punësimin e të dënuarve në burgje dhe paraburgime”. Komisioni i Punësimit i burgosurve ka në përbërje shefat e sektorit ligjor, social, shëndetësisë dhe sigurisë, të cilët ndjekin në dinamikë frekuentimin e procesit të punësimit nga i burgosuri.
Personat përgjegjës që nuk kanë verifikuar frekuentimin e punës nga të dënuarit janë Përgjegjësi i Sektorit të Burimeve Njerëzore Albi Rrezhda, Dorjan Nukaj, Përgjegjësi i Sektorit të Cështjeve Shoqërore, Eris Isufaj, Përgjegjësi i Sektorit Ligjorë Gerald Nonaj Shefi i Policisë Bashkim Meci, Mato Mataj Përgjegjësi i Sektorit Shendetsorë Arbëri Gjermeni, Enflor Hoxha, Përgjegjës i Sektorit të Financës, Florida Mata. Personat përgjgjës të cilët kanë nënshkruar kartelat e punës janë, evidencieri Gerald Nonaj dhe Miratuar nga Drejtori i IEVP. Si rezultat i falsifikimit të ditëve të punës nga IEVP Fier në kundërshtim me kriteret e saj i dënuari ka përfituar rreth 15.6 ditë ulje dënimi, nga veprime haptazi të kundra ligjshme kur realisht duhej të përfitonte 5.7 ditë ulje dënimi nga puna.
Çfarë ka ndodhur në burgun e Fierit?
18 punonjës dhe ish-punonjës të Burgut të Fierit akuzohen për vepra të ndryshme penale të zbuluara gjatë një hetimi disa mujor, të nisur që nga muaji maj në bashkëpunim me Prokurorinë e Tiranës dhe SHKB-në e Burgjeve. Të ndaluarit mbajnë postet e përgjegjësve të një sërë sektorëve në burgje, si ai i shëndetësisë, ligjor, i kujdesit social apo burimeve njerëzore. Të gjithë, në bashkëpunim me njëri-tjetrin, ata akuzohen për vepra të ndryshme penale, kryesisht falsifikime në favor të uljes së dënimeve të të burgosurve, duke i liruar para kohës së caktuar për të vuajtur dënimin e tyre.
Shkeljet e gjetura: -19 raste vlerësime sjellje për ulje dënimi janë pasqyruar fakte dhe rrethana të rreme në lidhje me procesin e rehabilitimit e të dënuarve; -6 raste vlerësim sjellje për lirim me kusht janë pasqyruar fakte dhe rrethana të rreme në lidhje me procesin e rehabilitimit e të dënuarve; -28 të dënuarve ju janë dhënë ditë pune në mënyrë fiktive nga IEVP Fier, nëpërmjet falsifikimit të dokumenteve ose shpërdorimit të detyrës e kryer nga punonjës të IEVP Fier: -1 rast i të dënuarit që ka përfituar amnisti, për të cilën nuk ka asnjë dokument referues për dhënien e amnistisë.
Discussion about this post